大家好！適逢大日子，除左係我最期待四年一度0既世界party, World Cup 2006之外，亦係小弟0既三十週年。所以趁住呢個熱哄哄0既氣氛，亦希望為自己打打氣。
正所謂三十而立，小弟決定幹一番偉大0既小事業。dayday art呢個念頭源於自己每日朝早check email 0既習慣，都希望收到一個令人驚喜0既訊息，以帶黎一日快樂0既開始。所以就好希望將自己0既想法藉著email同大家分享，跟大家“說聲早，講聲好！”顧名不可思義，dayday art唔係什麼高不可攀0既藝術，而是不求畫功，但平易近人，既感性又激情，既認真又有趣0既隨筆奇想。雖然有可能會帶點無聊，但亦請大家多多包涵。其實仲有另一個意義，就係希望藉著dayday art去督促自己畫多0的0野，不至於我0既左手最後會變成keyboard，右手變成mouse，失去雙手本身可以創造0既能力。
好喇！最近大家都聽得太多“有壓力”呢三個字，實在有0的煩！所以希望大家睇波減壓之餘，dayday art 0既訊息亦可以為大家消消氣，在未開口講出“有壓力”之前，心裡已覺得解決晒就好喇。謝謝！
感謝中文打字激快0既神奇女俠Sammi協助
link
